«Тыдзень лесу - 2019».
У Беларусі стартавала акцыя «Тыдзень лесу - 2019». Галоўная мэта мерапрыемства – папулярызацыя сярод насельніцтва беражлівых адносін да аднаго з галоўных прыродных рэсурсаў краіны, узмацненне экалагічнай, эканамічнай і сацыяльнай ролі лясоў.
ДУА «Зарубская дзіцячы сад- сярэдняя школа Дубровенскага раёна» таксама прыняла ўдзел у акцыі. Актыў піянерскай дружыны імя А.Усава і ПА ГА БРСМ распрацавалі план мерапрыемстваў. Сярод іх і конкурс малюнкаў “Зялёнае адзенне Беларусі”, і акцыя “Збяром макулатуру—зберажом лясы”, і фотаконкурс “Лес- наша багацце”.
Акцыя “Тыдзень лесу -2019” пачалася са святочнай лінейкі, госцем якой быў начальнік Дубровенскай інспекцыі прыродных рэсурсаў і аховы навакольнага асяроддзя Маркоўскі .АА. Ён расказаў дзецям аб неабходнасці берагчы нашы лясы, бо лес—гэта багацце нашай зямлі, напоўненае жыццём.
У межах гэтай акцыі навучэнцы нашай школы паўдзельнічалі ў пасадцы елачак, каля возера ў аграгарадку зарубы. Пасадачны матэрыял быў прадастаўлены Кляноўскім лясгасам. А таксама намаганнямі навучэнцаў была ачышчана ад смецця тэрыторыя каля возера.
Дадзеная акцыя дала магчымасць дзецям бліжэй пазнаёміцца з лясной гаспадаркай, даведацца, якімі намаганнямі і працай ствараюцца і зберагаюцца нашы лясы, а самае галоўнае - унесці свой невялікі ўклад ва ўсеагульную дзяржаўную працу па зберажэнні лясоў Беларусі.
Люблю, як лес шуміць зялёны,
Як птушкі трэлі там вядуць,
Я ў шаты гэтыя ўлюблёны—
Яны і ў снах мяне завуць.
Завуць на смачны пачастунак,
З сунічным пахам і грыбным,
А лес чакае паратунку,
Ён ціха плача ў сне маім.
Длавайце ж, людзі, усе разам,
Вясёлай дружнай талакой
Памножым гэтае багацце
Руплівай, чалавечаю рукой.
Шабуня В.В.
